प्रभागातील अंबिका नगर येथील प्रगती महिला मंडळ सामाजिक संस्था यांच्या नामफलकाचे उद्घाटन एकनाथ भोईर यांच्या हस्ते करण्यात आले. या प्रसंगी त्यांनी संस्थेच्या सर्व पदाधिकारी व कार्यकर्त्यांचे मनःपूर्वक अभिनंदन केले तसेच भविष्यातील सामाजिक उपक्रमांसाठी शुभेच्छा दिल्या.
महिला मंडळाच्या कार्यातून स्थानिक समाजात ऐक्य, सहकार्य आणि सक्षमीकरणाची भावना दृढ होत आहे. महिला, युवक आणि नागरिकांच्या सहभागातून राबवल्या जाणाऱ्या या उपक्रमामुळे परिसरात सकारात्मक वातावरण तयार होत असून समाजहिताच्या दृष्टीने ही पाऊलखुणा महत्त्वाची ठरत आहे.
एकनाथ भोईर यांनी या प्रसंगी सांगितले की, “स्थानिक संस्थांच्या पुढाकारातून होणारे असे सामाजिक उपक्रम हे समाजातील बदलाचे खरे माध्यम आहेत. प्रगती महिला मंडळाच्या या कार्याला माझा नेहमीच पूर्ण पाठिंबा राहील.”